行街小心陌生女子!!!

[bokatherine]

我見過呢個女人3-4次, 第一次我見到佢係o係金馬倫道, 佢同我講左好耐你提及既野(一樣內容!), 係咁叫我去佢公司試衫, 睇下岩唔岩氣件, 咁果時我又趕住返工, 我叫講俾卡片我, 等我考慮再contact佢, 佢就不停話:" 公司好近, 就係附近既姐, 一係你俾你電話我, 我地打俾你喇", 我開始有d唔耐煩, 就話:" 你等我考慮下先啦, 你點解唔可以俾你地公司卡片我呢?! 你乜資料我都唔知!", 跟住我準備轉身走, 佢就發爛渣:" 你唔做就算喇!!"

呢個女人好有問題, 佢等你係行到佢側邊, 佢就輕輕力咁high下你膊頭, 等你擰過黎望佢既時侯, 就用d好柔和既眼神望住你(姐係好似d人索既野,high high地果個眼神), 經過第1次之後佢拍過我, 我都冇理佢, 有次我仲報警, 咁差佬叫我下次就扮好想去做model 同佢行去公司, 跟住又話唔得閒, 就行開一便報警!

我本人就冇暈呀腳軟呀果d野!

[YankiLee]

我最近又見返呢個女人喔 .. 不過唔記得係唔係同一個人 .. 今次呢個係黑色長頭髮亂毛既 .. 講野有少少唔正 ..
地點係尖沙咀金馬倫道地鐵站口附近 .. 時間係 6pm ..

不過佢今次係甘問既 ..

"小姐你好呀 .. 請問你而家著緊呢件衫係著咩碼嫁 ?"
"下 .. 呢件衫 free size 黎個啵 .."
"唔好意思呀 .. 其實我係做製衣既 .. 甘我地而家就搵緊一 d 模特兒可以幫我地公司試衫甘 .."
"下 .. 唔好意思呀 .. 我唔得閒呀 .."
(由於之前有撞過呢 d 人既經驗 .. 所以我好快就拒絕左佢 .. 之後就快步落左 mtr station 了 ..)

各位小心。