伊莎貝拉 ( 貝拉舞動館導師專訪 )

[貝拉舞動館]

訪問中國舞導師胡志軍

今次我訪問中國舞導師胡志軍先生，我認識胡sir好耐，不過佢可能唔記得我。
因為佢真係有好多學生架。 Cool

多年前我跟過佢學中國舞，最近又再遇番佢，佢比我既第一個印象係成個北京舞蹈學院既導師咁，
以前佢仲教過我劍舞，真係英姿颯颯好型架.!!! Cry

Margare : 胡sir, 好有興趣想知道你幾時開始跳舞同係邊道學呢 ? Huh

胡sir : 我由小學開始學跳舞，直到高中既時候就停咗。後來我係北京舞蹈院跟數名導師習之後，
取得中國舞導師証書。

Margaret : 咁!!!係咪北京果間呀? Huh

胡sir : 係香港舞蹈總會開辦既 (北京舞蹈學院既導師証書)。

Margaret : 跳得咁好有否想過當舞蹈員呢 ?

胡sir : 無呀，D專業舞蹈員水準咁高!!

Margaret : 其實我覺得胡sir你當之無愧wor。 Cry

Margaret : 咁當上導師有多久呢?

胡sir : 我係1993年開始教跳舞啦。

margaret : 有無教其他既舞蹈呀?

胡sir : 我只係教中國舞。

.

Margare : 可唔可以同我地D網友分亨吓教跳舞之後既感受?

胡sir : 教跳舞之後我覺得好開心。通常一期訓練班我會教一隻舞，最後兩堂會同D學員覆習。
有D學員從基礎開始，學到跳得好好真係令到我好有滿足感。
另一方面有學員係舞蹈學院出黎跟我跳舞令我有D壓力，不過我都會盡量去教佢地。

Margaret : 太疲倦果時有否想過唔再教落去?

胡sir : 我係好鐘意跳舞，所以唔會覺得疲倦，相反跳舞仲可以幫到我減壓tim。

Margaret : 有無試過係跳舞既時候受傷呢?

胡sir : 大傷就未試過，不過跳舞受輕傷一定會有，所以我成日同你地講要做足熱身。

Margaret : 係0羅~每堂都要做個多鍾頭既基訓練 ^0^"!!!

胡sir : 記得有一次表演既時候，因為對靴太大，我用鐵絲維住佢，就係因為咁受咗傷啦!!

Margaret : 據我所知你係位兼職導師，你咁忙又要教跳舞，仲要帶D學員去參加表演，
你點去分配時間編舞同揾D適合既音樂呢 ?

胡sir : 最重要係自己安排好D時間，其實跳舞可以減壓，跳舞既時候會忘記晒疲倦。 Cool

Margaret : 有否睇過其他舞蹈表演。如果有對表演有可意見呢 ?

胡sir : 最近睇咗個舞蹈比賽，發覺水準高咗。

margaret : 係呀~因為國內有好多舞蹈家黎咗香港教跳舞呀。

Margaret: 除咗跳舞之外仲有乜野興趣? Huh

胡sir : 我鍾意去旅行，每年都會去。

Margaret : 宜家有否想學吓其他野 ?

胡sir : 我想學拉丁舞同踢踏舞，仲買咗對鞋，但係太忙無時間去學!!

Margaret : 胡sir你跳拉丁舞一定好好睇。^0^…………期待中……………

Margaret : 你對D有天份既學員會否特別偏愛。但如果無天份又想學跳舞又點做呢 ?

胡sir : 我對D學員係會好公平，唔會有偏愛。學跳舞最重要係舞得開心，好似番黎跟我一起做運動。
　　　另方面如果你地有参加表演，我就會要求高D，希望你地能夠發揮到水準。

Margaret：你覺得跳舞天份要有D乜野呢 ? [節奏感, 音樂感, 身體既柔軟度, 體能…] ?

胡sir : 全部都係。不過我覺得模仿力都好重要。

Margaret : 多謝晒胡sir今次既訪問。

胡sir : 唔洗咁客氣。

......………………………………訪後感………………………………………….

今次訪問胡sir發覺佢真係能夠做到亦師亦友。其實呢樣野唔係每一位導師都可以做得到。
我們去學習舞蹈知識與技術，使我們有感性生命，也隨著舞蹈藝術昇華來豐富自己。

14-06-2007. JK記者 margaret
相片提供：胡志軍
編輯:標媽

請到下面網址: 回應
http://jkfashionguide.com/bbs/index.php?topic=4871.0